En outubro, Galicia espérate

Se estás libre o 19 e 20 de outubro …

Se traballas, crees, soñas, defendes o Software Libre …

Se non tes contacto co mundo do Software Libre pero estás interesado en facelo …

Se tes ganas de falar (ou escoitar) e intercambiar impresións sobre o Software Libre …

Se queres coñecer empresas que teñen como base do seu negocio o Software Libre

entón esperámoste en LibreCon en Santiago de Compostela.

Ademais, despois de LibreCon poderías:

• pasear por unha cidade Patrimonio Cultural da Humanidade
• ir á praia máis bonita do mundo
• sentarte no mellor banco do mundo
• camiñar pola única muralla do mundo que se conserva enteira
• visitar o faro en funcionamento máis antigo do mundo
• admirar os cantís máis altos de Europa

LibreCon
É un evento internacional de Software Libre que inicialmente se chamaba Libre Software World Conference.

Esta é a VII edición e sería a 3ª vez que se celebra na Cidade da Cultura – Santiago de Compostela. Está organizado por AGASOL e ASOLIF.

O obxectivo é xerar negocio e dar a coñecer os beneficios que proporciona o uso de tecnoloxías libres.

AGASOL
É unha iniciativa de empresas galegas de software libre que se agrupan nunha asociación para promocionar e divulgar o uso do Software Libre, fomentar a promoción e colaboración das empresas de software libre, colaborar con outras asociacións de intereses comúns a través do intercambio de experiencias no campo do software libre, …

Na actualidade somos 20 empresas, a maioría micropemes.

ASOLIF
Aglutina hoxe a algo máis de 200 empresas distribuídas en asociacións rexionais máis un comité estatal, o que a converte no máximo expoñente do sector empresarial do software libre en España.

Ten como principal obxectivo defender e promocionar os intereses das organizacións empresariais de Software Libre, co fin de lograr a xeración de riqueza de forma responsable.

Foto: Juan Ramón Regueiro